滕麗名拍片揭TVB飯堂食品價位 車仔麵32蚊連熱飲網民讚抵 仲介紹心水平民美食
TVB節目不時喺電視城飯堂取景，就連藝人都不時喺canteen拍片影相紀錄開工日常，但係到底TVB飯堂有咩食、價錢如何？滕麗名尋日就拍咗條片介紹。
滕麗名喺下午茶時間帶大家遊飯堂，所以食客比較少，但就更有機會買到心水美食，包括阿滕話係最出名嘅扒芝士腿治。
車仔麵只需32蚊連熱飲
此外滕麗名仲點咗魚蛋、燒賣同雞髀，相當豐富。因為點咗太多食物，阿滕唯有一手拎一個餐盤，開餐前就拎出私伙辣椒粉調味，仲話比較健康。
片段所見，喺TVB飯堂點一份雜錦車仔麵只需32蚊連熱飲，三餸即食麵賣25蚊，阿滕口中嘅名物扒芝士腿治都只係18蚊，燒賣就11蚊6粒，比起市面食肆平，就連內地網民都話抵食。
原文刊登於 Yahoo娛樂圈
ADVERTISEMENT
【👇送3M靜電空氣濾網體驗包4包👇】
