揀曾展望定事業? 葉蒨文：一定揀愛情

葉蒨文(Sophie)與曾展望自從在TVB戀綜《女神配對計劃》成功配對後，人氣爆升，二人長期孖住吸金，賺到盤滿缽滿。日前，Sophie在社交網與網民大玩「你問我答」，當中有網民提出「二選一」問題。

「錯過咗未必會再遇到」

網民問Sophie假設有機會做女主角兼保證爆紅攞獎，但條件是必須與男友分手恢復單身，在事業與愛情之間，她會如何抉擇？Sophie毫不猶豫選擇了愛情，堅定表示仍會與曾展望走下去，她表示：「一定揀愛情，因為我其實唔算好在乎獎項同爆紅，我甚至都唔一定要做女一，最緊要做到一啲我有興趣嘅劇本同角色。」她續指對自己賺錢能力有信心，「去邊度我都可能會搵到食，事業我有能力東山再起，但如果真係喺茫茫人海搵到個適合嘅人放棄咗、錯過咗就未必會再遇到。」

提到與曾展望相差五年的「姊弟戀」，Sophie就認為年齡不是問題：「我有陣時覺得我先係大細路，我都唔係樣樣嘢都處理得好成熟，都有自己嘅缺點。年紀都唔係重點，其實同每個人磨合都係一個新嘅課程，就算年紀相若思想都可以好不一樣，只要好好處理自己嘅內心傷痕，然後搵方法同對方磨合，相信就算係不同的年紀都可以跨越，我都仍然在學習中。」