阮政峰離開效力14年TVB 驚抑鬱所以向外闖

阮政峰憑《愛‧回家之開心速遞》的「池子孝」一角成功入屋，2011年入讀第25期TVB藝訓班而入行，去年7月宣布離開效力14年的TVB。離巢後，瓣數多多的他不擔任婚宴主持、活動司儀、魔術師、武術導師，最近也開班授徒。日前他夥拍同樣是離開TVB的邱晴一齊亮相HOY節目巡禮，首次解釋離巢原因。

他說：「我之前訪問過一位精神科醫生，佢話有一種人最容易有抑鬱，就係唔改變嘅人。我喺舊公司做咗14年，我覺得我要做一啲改變，試下唔同嘅嘢，咁我個人就無咁抑鬱。」他又指任何人在一間公司做十多年，不多不少也有抑鬱，情況像去茶餐廳只叫同一個餐一樣，他說：「你去一間餐廳，每日都係食A餐，你個人都會無咁健康。而家我想試下同唔同單位合作，好似同邱晴合作，幾開心。同埋我做任何決定，身邊朋友同屋企人都好支持。」