林奕匡、黃妍希望可以拍旅遊節目。（蘇文傑攝）
林奕匡與黃妍日前出席HOY節目巡禮，他們透露跟電視台會拍音樂有關的節目，亦想試拍一些飲食、旅遊節目。提到林奕匡的新歌《那些不愛我的人》成為5台冠軍歌，他坦言非常興奮。他說：「呢次係我人生入邊第一個五連冠，自己都花好多心機喺入面，我哋製作團隊都好花心機去做，而家得到咁多人喜歡真係好多謝大家。慶祝活動就係同我仔仔多啲去玩，哈哈哈！佢而家歲半，好有精力，要同佢放電，會同佢去玩呀籃球，去公園玩，原來香港好多地方我都未去過，真係好正啊！收埋自己寫咁多歌嘅時候，可以同阿仔出去感受吓大自然啊都幾開心，都可以攞下靈感！」
林奕匡、黃妍希望可以拍旅遊節目。（蘇文傑攝）
聽《搖籃下的歌》拍晒手
他表示最開心是發現囝囝非常鍾意他的作品，令他非常感動！他說：「佢聽咗啲歌會跳舞！我從來都冇逼佢㗎，我算啲乜嘢啫，我播俾佢聽貝多芬、莫札特，呢啲真係好勁嘅音樂人，有次我播《搖籃下的歌》，呢首歌係我寫俾佢，佢真係一路挑着聽，聽完同佢拍手掌！Oh my God！好感動！」
問到會否考慮推出兒歌，林奕匡說：「都有諗過嘅，我而家都有錄低仔仔嗰啲聲音，仔仔啲高音真係好勁啊，佢係海豚音異常，好犀利，希望將來可以用到。」
ADVERTISEMENT
【👇送3M靜電空氣濾網體驗包4包👇】
