賴慰玲(Winki)和張馳豪（Aska）今日（25日）出席TVB劇集《警是個大佬》開鏡拜神，Winki接受訪問透露與林盛斌（Bob）和羅子溢在劇中有對手戲，並表示：「我會同羅子溢有情慾戲，我哋嘅尺度都唔算好激烈，好溫柔嘅！」談到羅子溢是激情戲擔當，Winki大讚羅子溢於劇集《婚後事》與陳自瑤床戲演得相當自然。
Aska分享今次作劇中會演繹保鑣的角色會有打鬥場面，他說：「今次新角色最大嘅突破就係留鬍鬚，監製話今次嘅角色唔要太靚仔，要盡量老啲！」Aska續說角色對白不多，不過性格上非常八卦。
賴慰玲(Winki)和張馳豪（Aska）出席TVB劇集《警是個大佬》開鏡拜神。（娛樂組攝）
驚留鬍鬚登台嚇親歌迷
被問到最近拍劇為主，是否音樂方面會減產，Aska表示：「都唔會嘅，出道咁多年有咩都係會做。」Winki則建議Aska留鬍鬚唱歌。Aska笑說：「之前曾經試過以呢個形象拍MV，不過唱歌登台就真係未試過，驚啲歌迷會嚇親，究竟發生咩事？」談及是否有計劃推出新歌，Aska指暫時未有確定，不過正在籌備下一首自創歌曲。Winki笑言：「你下一次拍MV係咪要強吻我？」Aska回應：「我琴日先寫緊歌詞，有一句嘅歌詞關於吻，咁就順理成章！」
