陳少邦做奸角出色，現實中是顧家好男。（娛樂組攝）
陳少邦在《正義女神》中演反派師爺，庭上與佘詩曼對望時又不時露出一副得戚樣，表情極為衰格。他早前出席宣傳時笑言做唔番人，「我唔係恨唔恨做好人，有角色俾我都好開心㗎喇，冇乜所謂！其實一套戲30集，我做奸角夾夾埋埋都唔夠30集，都唔夠鄭子誠一年早間人嘅數量。要做到奸人堅嗰種感覺，仲有好大距離！」
他續指無論是觀眾、監製都喜歡他做奸角，笑言「好人難做」。他續指奸人不易做，「好似今次做《正義女神》咁，我下次就唔可以做返同一樣嘢，要不停諗啲新嘅嘢出嚟。有時都諗點呢？因為有啲奸樣係既定咗，觀眾已經認定，要諗好多方法去變，要睇好多其他人嘅演技，再自己諗諗令每個奸角都唔同。」
陳少邦奸笑真係無得輸。
談及他早前入院做手術，他表示因為新傷舊患加上行路不太好，於是做手術，康復進展良好。他坦言希望有健康的身體去做演藝事業，「其實我做手術都係為咗之後可以繼續拍嘢，我都唔想唔郁得、唔行得，而家好返晒嘅時候就所有戲都拍，老虎都打到幾隻。」
ADVERTISEMENT
【👇送3M靜電空氣濾網體驗包4包👇】
