王敏奕一向被封為「TVB最美花旦」之一。
「家嫂」王敏奕一向被封為「TVB最美花旦」之一，最近她正忙於為TVB 新劇《警是個大佬》開工，她在社交網分享花絮照，見她額頭貼上紗布，手部更包紮住，網民都相當心痛；但原來一切只是拍劇效果，她更透露劇中角色的名字：「人在江湖 #高方廷#警是個大佬」。
惹男士羨慕
另一邊廂，飾演其爸爸的林盛斌（Bob）就在社交網大曬王敏奕的靚相，並大讚寫道：「對咗佢差唔多成個月，我夠膽咁講，佢可能係而家TVB咁多個女演員入面，其中一個最靚兼且係最好戲嘅。」他又笑指與王敏奕合作，惹來不少男士羨慕：「我班圈外男性朋友知道我今次做電視劇男主角，大家都冇乜反應，反而知道我可以同佢一齊拍戲，佢哋全部都好似毒X咁：『你就好啦！』『我好鍾意睇佢做戲㗎！』『佢真係超靚囉！』『我覺得佢勁有氣質！』『佢做戲幾好睇！』『可唔可以介紹佢畀我識？』好癲。咁講真，喺呢段我同佢相處嘅日子入面，我覺得大家對佢嘅觀感，我都係非常認同嘅。」Bob 對王敏奕讚不絕口，王敏奕亦回覆表示：「多謝爸爸誇獎」。
