韓團XODIAC迎來出道三周年，近日再傳來好消息。
韓國男團XODIAC上星期已出道三周年，正值慶祝時候，成員們獲公司通知喜訊，原來單曲《Alibi》的AI MV入圍了荷李活和芝加哥的AI電影節，更收到法國康城AI影展的出席邀請，消息令XODIAC高興不已，立刻問公司是否要準備出發康城行紅地毯，更幻想在紅地毯上大擺甫士讓現場記者任影唔嬲。
XODIAC香港成員SING（麥駿昇）表示：「非常驚喜嘅消息，但我第一時間竟然係諗海報愈來愈多影展logo，多到就來連《Alibi》個名都要遮埋。第二樣嘢先係好期待見到世界級影星！希望可以同多啲影星合照。」另一位香港成員LEO（李傲賢）笑說：「從來冇諗過XODIAC同康城會拉上關係，得知時真係好激動，好似發夢咁！我仲諗自己啲韓文係咪唔好，係咪聽錯咗誤會咗。」LEO更預告AI MV即將推出Drama版，延續MV內的故事，以最完美的一面給大家看。成軍出道三周年，XODIAC官方預告快將以《PHANTOM FIRE》回歸，令粉絲更加期待。
ADVERTISEMENT
