周柏豪、連詩雅的小朋友間中也會一齊玩。
周柏豪、連詩雅及鄭融昨日到銅鑼灣出席音樂活動，三人大唱自己的代表作及合唱歌。柏豪與Shiga如今同為父母，他們的小朋友不時也會見面，二人大爆在一次生日會上，Shiga的囡囡強吻柏豪細仔，令他的大女見狀大為生氣！ 周柏豪回憶上次幫囝囝搞生日會，Shiga的女兒錫了囝囝一啖，令到大女很生氣。
柏豪說：「佢個女上次喺我個仔嘅生日會，錫咗我個仔！我個仔當場呆咗，我個大女就嬲咗，家姐呷個細佬醋，仲話佢（Shiga)個女以後唔可以同佢哋玩！第二次見面嘅時候，佢哋已經無事。」Shiga表示當時囡囡捉住柏豪細仔的臉哄上去，表現太過熱情，形容「太瘋狂」，柏豪再笑謂相信囝囝的初吻已經俾Shiga的囡囡奪去，Shiga只好表示不好意思。
Shiga更爆囡囡已經錫過太多人，相信是因為見到她與爸爸在家比較熱情，「因為希望佢可以喺充滿愛嘅環境成長，佢就無咗界線，要開始教下佢。」
ADVERTISEMENT
【👇送3M靜電空氣濾網體驗包4包👇】
