洪卓立新歌由張繼聰作曲，並邀得金像獎最佳男配角袁富華擔任MV男主角。
洪卓立（Ken）昨日（28日）推出新歌《一次一次提自己》，由張繼聰作曲，並邀得金像獎最佳男配角袁富華擔任MV男主角。Ken連講三次「非常之榮幸」，大讚袁富華一秒入戲，令他幾乎現場爆喊。
採青一幕真情流露
拍攝當日天氣炎熱，袁富華更要應付大量舞獅動作，Ken特別提到採青一幕，對方演繹達成夢想那份感動，真的哭了出來，他只能在旁死忍眼淚，以免影響拍攝，並大讚表示：「一嗌Action，佢係一秒就入戲，我諗我都真係第一次喺現場睇一個專業嘅演員演戲而睇到喊。」
聲線蛻變駕馭搖滾
Ken直認今次錄音過程亦不容易，他曾因聲帶受損，擔心聲線不適合Pop rock曲風，幸而現在聲線更成熟厚實，監製也滿意效果，更將編曲改得越來越「行」，但他坦言：「我自己因為少去聽到呢把自己嘅聲音，所以唔係好慣。」至於歌詞方面，Ken跟填詞人陳耀森分享不少想法，認為任何時候都適合追夢，「只要你嗰團火唔熄，其實任何時間都係一個最好嘅時間。」他更以香港首位女太空人為例，鼓勵大家別輕言放棄，並寄語大家，若暫時做不到，不妨先做其他事，慢慢儲能量與勇氣，終有一日可重新出發。