秦沛冧爆抱孫女姜文杰剖白為人父後真正體會爸爸的愛

姜文杰愛女「小姜蓉」日前出世，他昨日（28日）在社交網貼出父親秦沛抱著孫女的照片，畫面中秦沛一臉慈愛，場面溫馨。而升呢為人父後的姜文杰，就在社交網寫下長文抒發感受，坦言：「做人老豆之後，發現自己好掛著爸爸，尤其係親眼見到爸爸抱著小姜蓉嘅時候」。

重溫與父親點滴
姜文杰表示因女兒與自己樣貌相似，所以憶起當年爸爸抱着他的情景：「我瞬間好似坐時光機，親眼目睹爸爸45年前抱著我餵奶嘅樣，感受到爸爸對我嘅嗰份愛」。他又提到父親當年為他拍下每張照片，並親手在相上寫字記錄成長，「每一張相上面都親手寫咗啲字跡，睇得出佢當時抱住我嗰種喜悅，同而家我抱住BB女時候嘅喜悅係一模一樣嘅」。

姜文杰續指過去曾無數次向父親道謝，並坦言：「但如今自己做咗老豆，先至係真真正正咁……多謝爸爸」，最後更以「Love you, Daddy」及「辛苦了，爸爸」作結，盡顯對父親的感恩之情。