MC張天賦新歌《男人怎可以》MV，獲金像獎最佳新人鄧濤任女主角。
笑言「請病假」
MC張天賦將於7月迎來他的第二次紅館演唱會，5場門票秒爆，一票難求。由於首次連續開5日個唱，要應付高強度的體力和聲音，MC表明無意加場，專注5場演出。距離個唱剩約1個月，MC替出新歌《男人怎可以》，MV找來金像獎最佳新演員鄧濤演演女主角，談到拍攝MV的趣事，MC搶先爆料：「喺第一日拍攝嘅時候我地有個抌電話嘅場面，我懷疑佢懷恨在心好耐，佢係真係向住我個頭抌！」鄧濤聞言立即掩面大笑解釋：「我唔係向住你個頭抌架，係唔小心揩到！」及後MC亦笑言是小事，電話只是擦過，但已向公司「請病假」。
愛獨「遊車河」
新歌班底由《抽》原班人馬再度合作，陳考威及 AP潘宇謙作曲、甄敏延填詞、黃兆銘編曲，以及陳考威監製。MV更找來金像獎最佳新演員鄧濤演女主角，新歌歌名《男人怎可以》帶有一種自我反問與壓抑的意味。在現今社會，男性展現脆弱往往會被貼上「失敗者」的標籤。問到二人認為展現脆弱是一種失敗還是誠實？鄧濤直言:「我覺得係誠實嘅，同埋我覺得好多時人係對自己唔誠實，所以就會強裝堅強。」談到都市人如何釋放壓力，鄧濤分享自己會選擇胡亂大叫，認為城市人鮮有機會宣洩，其實對身體不太健康。MC亦表示認同，並笑言自己會選擇在歌曲中「大叫」宣洩。此外，MC更透露私下非常喜歡獨自「遊車河」：「我覺得望下沿途嘅嘢，見到條街好靜，自己個心境都會跟住靜落嚟。」
MC獲讚演技出類拔萃
首次與金像獎實力新演員對戲，問到MC可有壓力？他說自己對演戲一無所知，很多時候要依靠對手「接戲」，很感謝有鄧濤「接住」讓MV拍攝非常順利。鄧濤亦笑說：「MC演技非常出眾、出類拔萃啦，哈哈！」MC聞言即幽默回應：「嘩！你演戲架，你演得好啲講得有說服力啲！」
ADVERTISEMENT
