61歲楊玉梅保養得不錯。（娛樂組攝）
楊玉梅在《香港探秘地圖》扮演富婆「金夫人」，由於劇中的她非常信任風水師袁文傑，加上她的丸子頭髮型，令人不禁聯想已故的亞洲女首富龔如心與風水師陳振聰。她表示角色一定參考一些人物，但不一定是大家所想的那一位。她又提到跟袁文傑認識多年，但直至今次才在劇中合作，由於大家很有默契，所以一take過便收貨。
TVB富婆專業戶
談到她在無綫的劇中多數演富婆，她表示要「投訴」，她說「我喺TVB近乎每一部劇都係演最有錢嗰個，啲靚衫、首飾係晒我度，我想之後嘅角色係演唔同有挑戰嘅角色。」她又笑言自己本身不是富婆，所以演富婆前要做定不少功課。談到她擁有廿多餐廳，是圈中的隱形富婆，她否認並稱自己很窮，現時仍在默默耕耘搵食，「我係平靚正！大家多啲搵我！其實係之前有投資餐廳，依家無啦，依家係做幕前幕後，做下平台咁。」
楊玉梅曾經有段拍拖13年的感情，陪男方度過患難，但最後被男方狠飛。（娛樂組攝）
相睇似搵工
她早前到杭州參與龍舟活動，順道在當地參與相睇活動，她笑言因為自己是單身，加上又沒試過相睇，於是膽粗粗去嘗試。她說：「我以為大家坐喺度，逐個見，點知係好似去勞工處咁，貼晒啲紙係度揀，見到啱就抄低個電話！唔好玩！同埋好多係啲爸爸媽媽係度幫自己啲子女搵，我好失望！仲記得當日好多人問我拎電話，話佢個仔、朋友想識我，我同番佢哋講自己幾多歲，佢哋話完全唔似！不過都係一個好玩嘅體驗，似勞工處揀工！」
多小鮮肉埋身
問到是否真的想找對象，她自言年紀大沒有再想愛情，一切隨遇而安，自己又不用生仔，又不會想結婚，享受工作，若上天賜給自己，便會接受。不過，她講明接受不了姊弟戀，但沒想到自己會吸引很多小鮮肉埋身，「真係估唔到好多小鮮肉日日send訊息俾我，話鍾意我好耐，唔介意我年紀，又話會照顧到我一世，咪玩啦！（真係唔考慮？）廿幾歲咪啦，唔想湊小朋友，兩個人一齊要溝通，唔淨係錢，溝通係好重要！」
楊玉梅原來有很多小鮮肉埋身！