《師傅點算》昨晚嘉賓是邵音音。
由火火、施焯日（Arthur）主持的TVB Plus節目《師傅點算》，昨晚（9日）主題「有緣人」請來縱橫影圈數十年的邵音音擔任嘉賓。
邵音音早年憑電影《老奶奶與無名子》在美國、巴塞隆拿及各大國際電影節橫掃超過十個最佳女演員獎項，今趟音音姐是應契女趙嘉寶師傅邀請擔任嘉賓，甫出場便受皇后式歡迎，而且戲裏戲外都是戲。當Arthur開門見山講鬼時，音音姐故作驚訝說︰「火火，你同我講上嚟講緣份㗎喎……講得鬼㗎。」鬼馬演繹差點令到一班主持招架不住。
鵝頸橋扮女鬼
音音姐在影圈逾半世紀，遇過不少靈異經歷，講到印象最深刻，要數到多年前一位男巨星出殯時的見聞。當時殯儀館外人山人海，警察架起鐵馬維持秩序，她說︰「突然見到一個着住米色衫、白色褲嘅人挨住鐵馬喺度睇，睇清楚竟然就係嗰位巨星。」起先音音姐還以為自己眼花，最後發現不只一位在場人士見到。嘉寶師傅解釋當時情況，相信該位出名愛錫粉絲的巨星不捨得的緣故。接住音音姐補充，之後她又發現該名已故巨星，竟然跟一班粉絲一起排隊領紀念冊。
節目中，音音姐愈講愈興奮，甚至開名爆陳靜（Dada）拍電影《迷離夜》時撞鬼，令在場兩位主持有點不知所措，但她一於懶理繼續說︰「佢（戲中）本身係一隻鬼，但拍拍下真係發高燒，發到39點幾成40度，真係會昏迷會死㗎。嗰時喺鵝頸橋取景，室外溫度得7度，好在佢無對白。」音音姐解釋拍攝前Dada一切正常，當拍到鬼戲部份時才出事，完成拍攝後又似沒事般，所以當時大家都深信她撞鬼。電影《迷離夜》共分三個單元，音音姐與Dada主演的故事為《驚蟄》，講述Dada遭姦殺後化成女鬼，找在鵝頸橋「打小人」為生的音音姐報仇雪恨。此外，In Lee師傅解釋音音姐經常有靈異經歷除了本身體質外，亦因為她爽朗豪邁性格吸引眾生朋友，認為可以信賴。
