（左起）楊盼盼、米雪及黃日華一齊同台合唱，勾起觀眾對《射鵰英雄傳》的回憶。（娛樂組攝）
黃日華昨日（13日）亮相《友你有米55派對騷》，與米雪、楊盼盼一齊合唱。華哥見肥媽在台下之後，更即場清唱《忘不了您》，笑謂自己亮相《中年好聲音4》那一集是最高收視一集。華哥表示跟米雪沒有合作，但她是明星足球隊的啦啦隊，所以很多時都會見面。他稱以前跟楊盼盼合作最多，由於當年大家拍不少打戲很辛苦，大家都會互相扶持，最難忘跟對方在台慶要做高難度表演。
黃日華笑謂不敢進軍樂壇，更稱唱歌不是自己興趣，只是愛聽歌。（娛樂組攝）
黃日華跟陳敏兒曾合作過多部作品，他透露半個月前已收到她入院消息。她說：「我大概半個月之前已經知道敏兒入院，嗰陣時已經昏迷緊。我哋當然好唔開心，希望佢大步檻過，但係謝靈探過佢，話情況唔落觀，估唔到朝早就發生咗。半年前同E Y T幾位朋友約埋一齊同鵬哥慶祝生日，但係冇諗過呢一次就係最後見到佢，嗰陣時佢好精神，講好多嘢、食好多嘢，世事難料。」
他坦言回想昔日很多合作時光，他說：「我同佢最多對手戲，好可惜。智叔走咗幾年，之後又到敏兒姐，都幾唏噓，因為我哋係同輩。我識佢咁耐，佢係一個好硬淨嘅女人，好多大小事都係可以自己控制，佢係一個樂觀嘅人。佢上年做過大手術都冇同我哋講，表現好堅強，我比較敬佩佢。」
黃日華對陳敏兒離世感愕然，透露對方半個月前已昏迷。（娛樂組攝）