吳業坤笑謂cosplay安仔（Andy）的大學同學。（娛樂組攝）
吳業坤今日到香港迪士尼樂園出席《反斗奇兵5》首映禮。坤哥事先在網上問道「想請問Toy Story有邊位人物可以零成本Cosplay？」而他就帶上牛仔帽現身，問到他cosplay誰及花了幾錢，他笑謂50元，扮Andy的同學。再問到為何不帶太太到場，他表示因為電影是粵語配音，太太怕太快聽不明白，稍後再陪她看，他更自爆甚少陪太太入迪士尼玩，但有跟她一齊看煙花。
談到他將到美國開騷，他透露計劃與太太同行一齊見識下，可以寓工作於旅遊，並指以往到海外工作可以坐商務，今次為陪太太決定一齊坐經濟艙，笑稱是「見證愛情」。問到為何不自掏荷包請太太坐商務，他說：「貼完就會歌酬無晒！平有平玩，希望可以去多啲地方。」至於會否借機造人，他笑謂有時差瞓不著，要留體力應付演唱會，並指現階段專注工作。
坤哥表示會同太太一齊坐經濟艙去美國，是見證愛情的一種方法。（娛樂組攝）
問到會否在香港開騷，他稱有意在明年4月、生日前後開騷，他說：「預計10月出新歌，之後開騷咁。做歌手最好係出歌開騷，開騷賺嘅錢再用落出歌度。」談到有報道指他開工作室狂燒銀紙，他直認不諱，所以要入場睇戲放鬆，「每個月都有壓力，慳得就慳，該做就做咁囉。」
坤哥表示要入場睇戲抒壓。（娛樂組攝）
ADVERTISEMENT
【👇送第6屆工展會購物節電子門票👇】
