羅啟豪昨日到尖沙咀出席《啟豪．豪殼 United！三週年團聚暨慶功宴》，與fans及多位《中年好聲音》的好友歡聚，出席的還有：顏志恒、丁文俊、涂家堯、劉威煌、梁浩賢、甘永傑、馮志豪、區俊傑。啟豪表示很感謝fans及好友真金白銀買飛入場支持他與譚輝智在紅館的個唱。
問到他完騷後有甚麼感覺，他說開完騷之後就即刻回復返正常生活，如常返工搭車、搭地鐵，有時回顧演出片段也會勾起籌備歌唱的過程、在後台換衫的畫面，是很寶貴的經驗。他透露為了今次個唱節食了數個月，在開騷前跟足健身教練的餐單，如食三隻蛋、只食雞胸、烚菜、番薯，「其實唔算太辛苦，但係完咗演唱會之後就已經俾自己放縱少少，餐單就盡量keep住，但自己都上咗深圳三次，同啲朋友去食嘢、按摩，儲咗啲心水店舖，可以介紹俾大家。之前要一個禮拜做兩次健身，有諗過一星期做一次，之後諗吓都唔好，因為自己好易肥返，所以都保持返一星期做兩次。」
羅啟豪因為《一萬年》唱錯一粒字，於是在聚會上重唱一次。（娛樂組攝）
羅啟豪預告會出書，並會公開一些絕密照片。（娛樂組攝）