陳瑞輝(Frankie)接受SpotiTalk全新節目《ENTER ENTER》主持何德訪問。
MIRROR成員陳瑞輝(Frankie)早前為虐心情歌《是日戀愛》宣傳，接受SpotiTalk全新節目《ENTER ENTER》，談及MIRROR面對極大關注和海量負評的應對心態，「初初好似做咩都唔啱……《全民造星》收到海量嘅批評，大家關注度都好高，成立咗MIRROR之後更上一層樓。 所有想腰潤（挖苦）嘅都會講出聲挖晒出嚟講，啲comment好赤裸，真係好受傷害。 我哋12個都冇接受個公眾人物嘅training，就要接受山崩海嘯嘅負評，好似做乜都係錯！ 」
身為「終極I人」的Frankie坦言，起初幾年完全收起真我，難以真面目示人：「頭幾年對親鏡頭、做訪問、拍團綜，都唔係自己嚟，可能得兩三成，其餘都係我嘅緊張、謹慎。」他要透過不同工作、觀眾的支持，才能在這幾年間，點滴地建立信心。他笑言，MIRROR這隊「九展天團」之所以能撐住，全靠團內12個成員互勉對方，才能進化到現在能面對任何事情：「大家圍一團爐，放一放負，咁就好舒服㗎喇。慶幸有呢班兄弟喺度，過咗最難過嘅時間。」
樂做平凡巿民陳先生
Frankie早前音樂劇《小男人周記》飾演小男人梁寬，直言能夠成為小男人也一種是能力，「我本身就散發住（小男人）特質，我記得拍完《是日戀愛》MV返到屋企，我同經理人團隊講，我都係走唔出虐心角色呢條路㗎喇！但係好㗎！能令觀眾覺得你慘，其實係一種能力。」曾掙扎於個人定位的他，也十分滿意自己這個特色：「MIRROR 12個都好唔同，例如隊長好嚴肅好有霸氣，我又係咩呢？我而家搵到喇。」因性格內向而樂於平凡的「市民陳先生」，亦自爆平常的生活興趣，包括喜歡玩搖搖，最近更極力鑽研廚藝！ 「我想試吓煮嘢食，本身我係level 0，炒個飯都四圍都係！但我有鑽研氣炸鍋食譜嘅，試過用氣炸鍋，煮個漢堡畀我嘅室友食。我都幾享受煮畀人食，而人哋又好開心！」展露不為人知的一面。