馮熙燮、胡子貝及柯雨霏將會在《明愛暖萬心》演出。
馮熙燮（Ryan）、胡子貝、柯雨霏、徐惠及布子殷將於今晚出席《明愛暖萬心》，並擔任表演嘉賓。五人各有各忙，難得可以在活動上碰頭大感開心。Ryan坦言早前忙過不停，「最近工作好忙，無論係演藝事業、治療師工作都好忙，同屋企人好耐冇見，而家返屋企好似返酒店咁樣。依家得閒返少少，完成咗歌迷見面會之後，就行程輕鬆返啲啦。」
他表示籌備了兩個月的見面會已經順利完成，最難忘是唱歌前最後一刻仍處理座位問題。「有啲人有嚟，有啲冇嚟，又多咗人嚟，因為有限嘅凳，都要幫手安排。雖然有朋友幫手，但好多嘢都要自己去度。」他又笑謂自己在9月生日，籌備見面會也要2個月，所以完成《明愛》演出之後，也可以著手準備搞生日會。他表示原本可以推出新曲，但有感想令自己想說的故事更完整，所以現再籌備另一首作品。
（左起）徐惠晴、布子殷、胡子貝、柯雨霏及馮熙燮。
早前柯雨霏在訪問中透露自己回復單身，問到有沒有人關心、或者追求，她表示沒有，而在旁的子貝就爆料指在樂易玲生日當晚，有人關心柯雨霏的感情狀況，但對方是何人就不變透露。
最近在一些訂Pickleball 場的程式見到有「柯雨霏」的名字，問到是否她真人報名，她大感驚訝，「下？真㗎？希望用我個名去book嘅人，可以打好啲啦！哈哈！」Ryan聞言說：「佢絕對唔會去玩pickleball！佢做任何嘢都好叻，但唔係pickleball !」子貝透露正在準備新曲，但有幾句總是不滿意。他透露入行一段時間，現在面對鏡頭輕鬆多一點，而且自己也開始鑽研攝影。
柯雨霏透露正準備新歌，徐惠晴（中）預告將會8月搞fans meeting，而布子預告將要回歸校園暫別《JMusic》。（娛樂組攝）
ADVERTISEMENT
【👇送香港書展、零食世界、香港運動消閒博覽電子入場券👇】
