鄭秀文（Sammi）在啟德主場館舉行一連三場「答謝會」，今晚(12日）舉行尾場，Sammi以一身鮮紅小背心配牛仔褲登場，接連跳唱《叮噹》和《Chotto 等等》後，跟全場來自各地的觀眾打旦招呼，多謝每一位入場的觀眾，高呼：「啟德場地再大都比不上你哋嘅愛同熱情。」今晚仍有花車巡遊環節，先後唱《衝動點唱》、《熱愛島》。
第三場請來黃子華擔任嘉，Sammi在播畢《夜王》片段和唱畢未發布的新歌《隕石與地球》後，子華神戴著黑超以「歡哥」造型驚喜登場，他笑言，自己沒甚麼好表演，「佢話你哋歡哥就開心，其實我係有表演，我嘅表演就係除眼鏡。」他自言表演就無，但想分享一點感想，笑指全香港最勁係Sammi，他拖著Sammi邊行邊講，「以前香港最威水係紅館開演唱會，而家最威水係啟德，但佢係啟德開答謝會。」
他笑指Sammi史無前例，帶了個新名詞給香港，他續指，「呢兩日香港多咗兩個會，一個係免費雪糕三合會，第二個高級啲嘅答謝會。答謝會即係演唱會，但又唔完全係演唱會，因為無論佢哋跳咩舞，唱咩歌都係想表達兩個字多謝。」
「歡哥」黃子華、「V姐」Sammi再度合體。（林俊源攝）
