劉天蘭談起施南生時，不禁感觸起來。（娛樂組攝）
陳欣健在今年書展推出自傳作品《我的風雲往事》，昨日（18/7）在會展舉行發佈會，由好友劉天蘭（Tina）擔任主持。TIna受訪時稱今次陳欣健出書，自己也付不少功勞。她稱十幾年前出自傳開發佈會，由陳欣健擔任主持，所以今次由她去當回主持，並爆當對方看完她的自傳之後，大讚好睇。
她說：「當年佢睇完我本自傳，覺得好好睇，我就鼓勵佢『你又出吖，你啲文筆咁好冇人知喎。』佢中英文都好好，13年前建議佢出，一年、三年都唔見佢出！13年嚟，都催足佢5、6次，終於今日正式出版，所以我特別開心！」Tina坦言自己給了不少排版的意見，並讚陳欣健是個很浪漫的人，跟對方已經認識49年。「咁多年嚟都好老友，佢百足咁多爪，我都同佢合作好多，我叫佢做哥哥。佢到依家對人都好sweet！」
劉天蘭很開心見到陳欣健出自傳，直認自己催促對方多年！
劉天蘭很開心終於見到陳欣健出書。（娛樂組攝）
談到施南生離世，劉天蘭坦言非常不捨，自己的情緒非常低落。她透露知道對方身體欠佳後，有跟對方通電話，但對方沒有要求要幫忙甚麼，只是很愛吃她的茶葉蛋，所以每次都會整好交予對方的司機拿回去。至於其身後事宜，她一直等通知，有甚麼需要幫忙隨時候命。
她指二人認識40多年，而在施南生留醫期間亦曾前往探望。她說：「我有探過佢之前，佢嘅離世喺呢個禮拜內，大家可以喺網上、傳媒都睇到佢係一個點樣嘅人，當然好唔捨得，甚至呢幾日我因為呢件事都影響到個情緒，我認識佢係四十幾年⋯⋯」她稱當年跟徐克拍《鬼馬智多星》，自己做副導演因而跟施南生認識。」
她說：「這位大姐姐咁優秀，又做得又玩得，唔使我再讚喇，呢排大家睇文章、報道，睇返佢各地嘅訪問，佢兩文三語都伶牙俐齒，各方面都好優秀。我係唔開心上天呢個造物者，唔係一個好好designer，點解咁優秀嘅人點解唔可以更加長壽呢？係好唔捨得。」她表示大家有很多共同朋友，所以經常食飯見面，「我哋有相同朋友，一年兩、三次飯局都好開心，喺聚會佢係非常活潑、幽默。佢同徐克，徐克又同岑建勳係好兄弟，我哋周時都喺埋一齊，當年都一齊去康城影展，呢啲章回我唔會忘記。佢係女性典範，一個香港人的典範，佢走過嘅世代、成長，走過嘅75年，係好代表香港優秀的一面。」
施南生過世享壽75歲。（圖/翻攝畫面）