羅家英將於今年9月迎接八十大壽，今日(19日)趁書展推出自傳作品《羅家英傳》，並聯同作者岑金倩出席「不負梨園：羅家英與香港粵劇傳承之路」講座，羅家英笑言通常自傳離不開講故仔，「少少加鹽加醋，有真有假，九成真，一定有趣味嘢。」接著他認真叫大家細味內容，「羅家英點解最粵劇不離不棄呢？佢對電影嘅睇法，佢對唱歌、婚姻、女人嘅睇法，呢本書都有講到。」
羅汪AA制
家英哥透露會在自傳爆情史，擔保九成九真，問到可否劇透書中內容時時，家英哥突然向坐在一旁翻看自傳的汪明荃高呼「我愛你！」阿姐自言事前沒有看過內容，直至今日才正式翻閲。家英哥笑言沒有就傳記內容事前諮詢阿姐，「預咗俾佢扭耳仔，會有啲踩界，（擔心阿姐面紅嗎？）佢點會面紅，佢只有面黑！」問到會否自爆如何追求阿姐時，他認真表示：「我哋互相追求，咁大家了解吓當然我哋點解要一齊，點樣捱過廿幾年拍拖，終於結婚，到而家10幾年，我哋夫妻之道係點樣過，我哋生活係點樣過，但他話我哋A A制，呢個係我哋『羅汪AA制』，同你哋無關事。」至於可會趁機澄清揼骨之說，家英哥擰擰頭，指阿姐經常關心他何時去揼骨。
