夏雨、郭鋒和吳沅儀3位資深演員今日(21日)出席ViutTV劇集《日落下的彩虹》宣傳活動，談到謝賢離世，夏雨、郭鋒和吳沅儀都大感可惜，郭鋒曾在TVB劇集《千王之王》與四哥合作，他自言當年初入行，在劇中演跟四哥對立的反派角色，有幸與四哥這位前輩合作，「我嗰時仲係好小角色，飾演反派洪豹，同佢對立。」問到可有被四哥的氣場震懾，他大讚前輩為人友善，「佢好care free人，冇乜壓力！佢份人好開放、好新潮、好隨和，平時嘻嘻哈哈咁，完全唔會整蠱或者逼人，大最多只係講吓笑，同佢合作好舒服。」
大讚隨和冇架子
夏雨曾跟四哥合拍兩套劇，笑指若四哥仍在，必會親切地呼對方為前輩。他續指：「四哥喺我印象中，真係由細到大都靚足一世，我從來未見過佢有任何『哩啡』一日，佢永遠都親晒衫先出街，簡直係電影界同電視界嘅Icon！你問邊個最型？肯定係四哥，無人能同佢爭。」他大讚四哥為人隨和，「我入行時，佢已大紅大紫，嘻嘻哈哈，完全冇架子。佢個人好大癲大肺、冇乜心計，係好值得我哋懷念。」
吳浣儀佩服專業態度
吳浣儀雖未曾跟謝賢合作，但自言看四哥的劇集長大，更被對方的高大靚仔外形吸引，入行後從幕後工作人員得知，四哥態度專業，「聽過一個同組嘅工作人員講，四哥真係極度專業！佢每一場戲要著咩衫，唔單止寫低，仲會將套衫嘅樣子畫埋出來！由衣服到鞋襪配襯，佢都紀錄得清清楚楚。試問有幾多演員可以做到咁專業？真係好難得，好值得我哋後輩學習。」