梁敏巧今日現身，回應自己買錯假貨Usagi產品一事。 (娛樂組攝)
「動漫電玩節2026」明天開鑼，舉行今日傳媒預覽日，撞到梁敏巧在現場拍攝，問起Usagi翻版公仔一事，她坦言絕大部份都是粉絲及朋友送，梁敏巧謂：「由我話好喜歡呢個公仔開始，已經好多fans送，喺屋企加加埋埋都成一百個呢個公仔。我就諗住分享，同埋fans、朋友送俾我，係一個信任，我唔會check真定假，亦我唔會逐一check，因為呢個係心意。我承認係我疏忽，無check，係唔應該check，但拍之前應該check下啲公仔，係我疏忽，我好想同品牌方講聲對唔住，係一個不當示範。」她指平時自己從實體店購買，而且價錢不是很平那種，對方也聲稱是真貨，自己沒想過也中招，坦言會向對方追究。問到哪一款物品中招，她指公仔拖鞋便是從網民口中得知，自己單純分享心頭好，沒料搞出大誤會。
問到律師朋友Matt可有關心她，梁敏巧表示有，自己跟對方好好朋友，如果有需要會找他諮詢。對於這些公仔將如何處理，她指視頻粉絲朋友送給他，是一份心意，不會因為今次事件掉走。她又謂經過今次事件，會上網看如何分辨真假。問到若見到fans送來翻版公仔會如何處理，她表示始終是心意不會拒絕。
