姚焯菲近年學業事業兩兼顧 。
「聲夢小花」姚焯菲（Chantel）近年遠赴美國升學，但每逢暑假都會回港投入演藝工作，學業與事業兩邊兼顧。她即將於8月29日在麥花臣場館舉行首個個人演唱會，早前拍攝海報以純白造型綴上羽毛，配合新歌《想飛之內心獨白》的追夢主題。日前，在TVB的訪問中，她自言壓力大，並分享了處女個唱在體能、心態與歌單上的各項準備。
節食健身操體能
距離開騷尚餘一個多月，Chantel坦言首次獨力撐起全場，壓力絕對不小：「心態好緊要，個人show都好大壓力，我自己都係第一次，希望集齊咗我入行咁多年小小嘅經驗，可以喺呢個show度發揮。」為了以最佳狀態登場，她現正努力節食及健身操練：「一邊做gym一邊做Cardio（帶氧運動），希望跳唱嘅時候夠力氣。」
放膽挑戰心水難歌
選曲方面，除了個人作品，她更預告會放膽挑戰一直想唱卻未敢嘗試的高難度歌曲，並說：「除咗自己歌之外，都有啲我想挑戰嘅歌，有啲歌係想唱咗好耐，但係唔敢唱，因為好難，但今次有足夠時間練歌，所以決定挑戰一下。」她亦透露舞台服裝將以舒適為主，讓自己能自在演繹。