蕭正楠唱《一生中最愛》時，太太黃翠如忽然踩場，為全場觀眾送上驚喜。
蕭正楠、曹永廉及馬國明近排孖住密密開騷，日前（25日）三人在江門舉行《三生有幸巡迴演唱會》，蕭正楠唱《一生中最愛》時，太太黃翠如忽然踩場，為全場觀眾送上驚喜。
台上深情對望
當蕭正楠獨唱環節進行期間，他開腔表示很渴望見到自己一生中最愛，並問對方能否上台。此時，曹永廉扮鬼扮馬衝出來，蕭正楠立即笑着把他趕回後台，緊接着翠如便跑上台，撲向老公緊緊攬實。蕭正楠甜蜜笑說：「你終於來，今日咁大風，你都唔睇個細仔，上嚟睇你個大仔，我真係好感動。」他隨即牽着翠如的手，望着太太唱出《一生中最愛》的最後一句歌詞「如果痴痴的等某日终於可等到一生中最愛」，二人互相對望，畫面浪漫，翠如更伸手輕掃老公的面頰，再來一個情深擁抱，台下氣氛即時升溫。放閃過後，蕭正楠不忘叮囑翠如：「去食嘢先啦，好多嘢食，快啲返去睇個仔。」他又透露，下一次很希望可以帶同兒子「哈哈」一齊現身舞台。
