張敬軒剛於周末於澳門完成3場演唱會，王菀之雖沒有入場支持，但在網上也有追看軒仔的演出，「佢狀態好好，唱得好好，近期少啲機會見，但都有聯絡，(軒公在台上爆喊)我哋呢行做創作，多數個心都儲咗好多好多情感，一去到個mood，就會好honest咁釋放感情。」張敬軒在台上表示想再踏紅館，問到Ivana可會聯合開演唱會時，她笑言要等對方邀請。至於軒仔曾因「急性內耳迷路炎」急送院，Ivana就認為已康復，回復狀態。
精神長存
談到香港戲劇大師鍾景輝(King Sir)早前離世，作為其演藝學院門生的梁祖堯坦言，近年面對不少生離死別，「佢留俾我哋業界，最重要嘅係咩叫專業，佢嘅種籽真係留喺我哋心裡面，呢個唔係口號，我哋真係要守住呢個專業，業界先可傳承落去。如果我哋守得住呢個專業，佢嘅生命一直喺我哋裡面延續。人總有離開嘅一日，但精神可以長存，用呢種方式懷念佢，一定係佢最想見到。」