潘小文於7月27日的直播談及Sammi在日本的MV意外。
鄭秀文(Sammi)繼早前在啟德開騷因為舞台問題，改為「答謝會」之後，到日本為兩首歌拍MV，其中《隕石與地球》的對嘴版本的影片意外全無，令她大受打擊。資深傳媒人、網台「娛樂小奶媽 The Little Nanny」主持潘小文昨日(27日)在直播期間曾討論Sammi的MV意外，有聽眾事後在網上指潘小文的言論有誹謗之嫌，tag了Sammi相關的公司，而潘小文亦刪走相關片段。
有自稱是聽眾的網民在網上tag了Sammi所屬的公司相關平台帳號。
質疑潘小文誣捏Sammi
有一名聽眾在網上tag了Sammi所屬的寰亞公司社交平台帳號，並留言道︰「麻煩請留意YouTube 7月27日的《娛樂補習班》潘小文主持的。我其實好少 留言，聽咗呢個節目好耐，但今日潘小文對鄭秀文小姐作出好多誣捏嘅指控，好多都係生安白做，我覺得真係要出聲明以正視聽！」
對方其後列出潘小文提及的內容，他寫道︰「佢話鄭秀文演唱會接二連三都有問題，跟住拍mv 啲file冇曬，全部都係自編自導自演嘅宣傳。佢話第一次就係covid 後遺症，咁樣搞到某工作人員因為壓力太大中風.。跟住今年七月份的啟德演唱會，佢話係sammi叫停演唱會，其實機關冇問題，之後又話MV 點會咁都可以啲片段可以冇咗，佢話呢啲又係佢自己宣傳嘅炒作。佢叫Sammi做人唔好咁X街，所有啲工作人員唔敢出聲，啲光環佢就自己攞曬。咁樣係對你嘅藝人非常嚴重嘅指控，好多唔知頭唔知道嘅人聽咗之後又繼續作故仔。如果你話Sammi真係有咁做嘅話，我覺得你唔幫佢講好說話都算，但係今次主持人講得太過份 敬請還原真相。」
潘小文在fb留言稱自己刪走片段。
涉事影片已下架
有關影片已經下架，潘小文於今日下午在社交平台留言說︰「人設是個好東西，實話是不該實說。收到溫馨溫馨好溫馨嘅提示！有錢是任性。」當有網民留言「臭4還是臭4」、「你篤爆嗰氣球，小朋友冇得玩啦！」潘小文均有讚好。由於影片下架關係，未能核實該網民的內容是否屬實，翻看潘小文於7月6日的直播，亦即Sammi宣布延期當天，潘小文就曾質疑Sammi講大話，指Sammi一早知道出了問題，並非比大眾早一天才知道。
潘小文於7月6日的直播中爆料指Sammi一早知舞台出了問題。
曾稱Sammi唔老賓
潘小文在片中提到Sammi是首位在啟德開四面台的女歌手，未幾又稱「可能我錯，就當我錯(被網民糾正是三面台而致歉)，但我了解過佢現場裝置，基本上佢話比我哋早一日知，以我了解，Sammi唔係好老實啦！」之後她就還原時間線，指Sammi應該於7月2日收到通知舞台搭建要暫停，原因是「佢哋個舞台圖則根本無批到！」她又稱「佢哋禮拜四收到通知，個台搭都唔得，OK？點解唔俾搭？因為佢舞台個裝置有問題，過唔到機電工程署審批！」
她更強調自己沒有屈Sammi，並稱Sammi於7月3日上載巡視啟德場館的影片，指對方在片中沒有笑容，反而憂心忡忡，其實當下已知舞台出了問題，又著大家記住Sammi是金像影后，但Sammi在片中卻沒有扮到好開心，完全沒有興奮感覺，潘小文直指Sammi為今次個唱是「搏晒老命」，連個舞台都好「搏」，但因為太搏而未能過到審批。最後她強調自己所言是千真萬確，並指Sammi的團隊周五立即開會，所以Sammi的公司決定對外聲稱是機件故障。
