方力申近月來已變成「晒女狂魔」。
現年46歲的方力申，去年12月榮升人父，當太太葉萱（Maple）誕下寶貝女Isla後，小方立即變成「晒女狂魔」，經常在社交平台分享女兒的成長點滴。
方力申在社交平台分享女兒的成長點滴。
仲未識應爸爸
早前，方力申在活動上受訪談起Isla又是一臉甜絲絲，並向記者透露：「知唔知點解呢排我冇擺同個女沖涼？知唔知點解？因為我依家同佢一齊沖，所以影唔到俾大家睇。」今日早上，方力申出post上載與Isla的「父女浴」影片，見到小方穿上泳褲，B女亦水著上陣，拍下Isla的踢水片段，並寫：「爸爸都未識得應，kick kick kick 就竟然聽得明。」當爸爸一叫「kick kick kick」，Isla立即使出摩打腳起勢咁踢，小方不禁露出驚喜表情，又大讚「good job」，最後更錫錫乖女，畫面十分有愛。方力申在IG上出po約四小時，已獲逾萬人讚好，有網民留言封Isla做「小飛魚」。
