馬浚偉今日現身，與入場群眾親切互動。 (娛樂組攝)
全港最大型嬰兒及兒童用品展覽「第34屆國際嬰兒、兒童用品博覽」（荷花BB展2026）今日（7月30日）於灣仔會展中心Hall 1揭幕。展會首日，香港上市公司衍生集團聯席行政總裁馬浚偉、集團主席兼聯席行政總裁關麗雯一同親臨展位助陣，並暖心示範皇牌新產品「衍生無糖開奶茶」沖調技巧，強調正確沖調的重要性，馬仔更啜奶樽即場試飲。
預告再展歌喉
馬浚偉今日現身，與入場群眾親切互動，吸引大批家長圍觀及要求合照，成功帶動品牌今年在BB展的生意額大幅上升。
馬浚偉在展覽接受訪問，曾任銷售員的他表示：「其實對我嚟講係一個好親切嘅回憶，好多人都唔係咁清楚，我入娛樂圈之前其實係個sales，同埋我以前係賣教科書，同埋化工原料，以前我年年都有參加展覽。」很習慣到展覽，又謂：「大家都知道，我冇乜明星格，我比較鍾意貼地少少。」多得馬仔落場，首天已有不少產品售罄，比起預期理想，未來三天亦會繼續撐場，他預計人潮最多會是星期六及星期日，笑言到時會扮公仔吸引大家幫襯。馬浚偉轉工後，一個月有有一半時間留在內地，他稱目前沒有影響他的生活模式，每朝也是大清早5時起床：「呢度同我之前新城唔同，之前係24小時，依家呢度係商業大廈，我太早返去冇冷氣，8點先開冷氣，我返到去係冇用。」問到有什麼最難適應，他說：「最難適應啊？我成日想唱歌囉！」他不會再以商業形式大展歌喉，但若為寵物作慈善演出，他絕對樂意在站舞台，並預告即將會再開直播唱歌跟fans作網上互動，強調開live並非帶貨。
談梁材遠離世
最近，中國揭陽四名男童在街頭虐狗，母狗「旺旺」被棍打點火焚燒，其幼犬遭戳擊；馬仔談到此事時坦言十分心痛，他指愛護小動物及寵物要好好教育，自言今後除做好自己工作外，更會以合法方式去推動支持流浪貓狗及愛護動物，以及希望香港或內地可以立法去防止虐待寵物。
人稱「材叔」的前TVB資深監製梁材遠日前離世，馬浚偉當年跟對方多次合作。談到材叔死訊，他坦言相當難過：「今年4月我先至同佢通完WhatsApp，我哋約緊食飯，當時啱啱準備要轉工，我又未同佢講住，佢問我幾時見面，我當時答佢8月左右。」憶起在TVB時起用他最多的監製就是材叔和梅小青，大家最後一次見面是三年前在沙田碰面，亦得知對方健康一般，沒料到卻收到噩耗，之後會出席材叔喪禮送他最後一程。
