95歲黃夏蕙透露剛完成白內障手術。
95歲黃夏蕙在社交網透露剛完成白內障手術，但轉眼間已即應約出席老友飯聚。她左眼傷口仍以紗布覆蓋，但精神相當不錯，席間還被朋友責怪不應術後仍四處走動。
貪靚化晒妝
向來貪靚的黃夏蕙，當晚照樣盛裝現身，化好晒妝，戴上一副紅柜太陽眼鏡，非常搶眼。她在飯局中展示友人專程送上的負離子太陽眼鏡，並於帖文寫道：「今日做完白內障，成班老友約咗我食飯，我又俾人鬧到飛起，話我做完手術唔返屋企，仲話去威！順便多謝#優樂生活賴院士派人專程送個負離子太陽眼鏡俾我。」她更形容這份心意「呢啲咪叫做人間有情囉。」
網民叮囑要休息
帖文一出，不少網民留言勸她術後應留家休養，外出要戴太陽眼鏡保護眼睛，並留言「做完手術，唔好咁百厭！要休息下」、「唔好咁百厭」、「保重身體先有得繼續再玩」，更提醒她要戒口。