黃宗澤膊頭驚現誇張瘀傷，有網民隨即「緝兇」。不少人猜測是吳卓羲出手。
黃宗澤（Bosco）向來身形健碩，平時勤力操肌保持狀態。昨日，他在社交網貼出健身房自拍照，身穿運動背心的他大晒麒麟臂，原本想分享操肌成果，但膊頭的大片瘀傷卻意外搶Fo，令粉絲們相當擔心。
瘀傷幾乎覆蓋半臂
照片中，Bosco右肩位置出現一大片紫黃瘀血，面積幾乎覆蓋半條手臂，畫面相當誇張。雖然傷勢看來不輕，但他仍堅持操練，相當自律。他在帖文中還以「七傷拳」開玩笑，寫道：「究竟有幾傷先會搞成咁？有個人話係因為佢嘅七傷拳犀利喎！唔使我講你哋都估到係邊個啦！」
由於Bosco與吳卓羲及林峯經常孖住一起健身，網民隨即「緝兇」。不少人猜測是吳卓羲出手，更搞笑指「Ron點解出手咁重」；而鄭希怡就留言表示：「內傷」，林子善則笑謂：「大波！快啲搵尿直飆醫生睇睇穩陣」不少粉絲留言大呼心痛，提醒他要好好休息。
ADVERTISEMENT
