何廣沛與游嘉欣昨日出席《夫妻的博弈》宣傳，二人將在戲中發展成為情侶，兼有咀戲，高海寧著他們借位示範一次，令二人非常尷尬，只好用飛吻代替，非常搞笑。何廣沛表示今次跟游嘉欣的咀戲偏向搞笑，所以拍攝時不太感到尷尬。在旁的游嘉欣大爆自己遺忘曾跟何廣沛在戲中親吻過，何廣沛聞言大為傷心，並笑稱自己在游嘉欣的字典內經常消失。
咀勻公司靚仔
游嘉欣指過往拍完錫戲之後，對個對手會有深刻印象，「唔知點解我永遠都唔記得咗同佢演過情侶囉，佢好傷心」何廣沛續透露拍完《夫妻的博奕》半年後，在一個飯局聚會上傾偈，游嘉欣竟然跟他說：「吓？我哋有合作過咩？」他當下晴天霹靂，因為只是半年前的事，沒料到對方已經忘記得一乾二淨。他又指游嘉欣「好勁」，因為她把公司靚仔的男演員都咀勻。
獲何廣沛見證減肥辛酸
游嘉欣近日因為減肥成功變靚，何廣沛說：「喺我心目中，游嘉欣不嬲都係一個靚女，我哋圍內同事都同佢講，放心啦，唔好擔心成日俾人話喺包包面，因為呢啲都係Baby fat嚟嘅啫。因為游嘉欣真係一個好努力嘅演員，佢食嘢好清淡，又成日做gym。可能佢而家年紀有返咁上下啦，終於可以搣甩Baby fat呢個問題，見到佢個努力出咗嚟，真係好開心！」
提到游嘉欣近日被網民狙擊，她坦言沒有為此感到不開心。她說：「我自己盡量唔會俾佢哋影響到我嘅生活，始終我都係keep住自己嘅生活自律同埋模式，我又唔會好在意佢哋講我啲乜嘢，我知道自己想健康，唔係追求肥定係瘦，只係鍾意而家嘅自己。」
ADVERTISEMENT
