羅天宇、劉佩玥及周志康將會在9月一齊開騷。（娛樂組攝）
《中年好聲音4》將於明日（23日）舉行決賽，以蒙面身分參賽的藝員同事雖然未能打入決賽，但「企鵝人」周志康、「獅子王」羅天宇、「貓女郎」劉佩玥、「白羊君」姚兵、「白眉鷹王」莫家淦、「樹熊公子」黃建東卻率先宣布下月30日日麥花臣場館舉行《愛爆動物音樂秀》，昨日舉行記招大談感受。
劉佩玥、羅天宇及周志康一齊接受訪問，羅天宇與劉佩玥匀表示在比賽入邊有很多地方做得不好，希望可以在今個演唱會把最好一面呈現給觀眾。劉佩玥提到完成比賽之後，一直有練歌，甚至在家中練舞，「曾經喺屋企練習moonwalk，但真係會平衡唔到跌低。依家仲有時間，又睇下可以練到甚麼。我喺《中4》後都冇偷懶，有繼續練歌，都希望經過大半年後，俾大家睇下有咩進步。」周志康透露會唱一些自己喜歡的歌曲和在比賽中唱過的曲目，希望可以在舞台上有更放的演出，「始終比賽同演唱會嘅享受係唔一樣，到場會有自己嘅fans，個互動都唔同，希望玩得開心！」
周志康是蒙面身分參賽的藝員同事最後一個打入10強，但已在上星期被淘汰出局《中聲4》。他沒有為賽果感到不快，非常感恩可以參加今次比賽。他說：「一路都接受呢件事會發生，比賽始終都有勝負。最大感受係大家好唔捨得我被淘汰，我喺呢個比賽得著好多，係好感恩。」談到周志康的太太及兩位囡囡見到他出局時，當場喊得好厲害：「妹豬（女兒）喊係因為唔捨得爸爸冇得再錄影，因為在現場跟好多哥哥姐姐都玩得好投契，所以係唔捨得冇得錄影多啲。」
他又提到知道羅天宇在現場聽到他的感言喊晒口，羅天宇直認不諱：「你講嘢鬼死咁感人，好難頂。」周志康指當時在現場講了十幾分鐘，「係講到支咪冇電，十個幾月的旅程太多嘢可以道謝、道別喇，有好多感受。」
周志康的太太及兩女喊到好犀利。
問到會否請嘉賓，當中最想見到周志康及周志文兩兄弟合體，周志康表示對方很忙，「都要睇佢檔期，佢要忙自己生意，經常飛來飛去。」羅天宇亦表示已經很久沒有跟對方打波，笑稱是以年計。至於緋聞女友劉佩玥就表示不太清楚他的行蹤，笑謂自己也插不到咀，並相信對方不做嘉賓也好，也會來支持他們。周志康笑言志文屆時要拿定三塊燈牌。
劉佩玥、羅天宇及周志康期待周志文到場。
ADVERTISEMENT
