中年好聲音4｜否認內定三甲肥媽爆一眾參賽者水漲船高

《中年好聲音4》總決賽將於今晚舉行，肥媽昨日連走幾場，先是一早出席沈宗賢、阮慧珊舉行的《伽利略的星星》新歌發布會，還未計中間幾場活動，夜晚還要出席慈善籃球賽。她表示自己很愛不同球類活動，孫仔孫也很愛打籃球。談到今晚總決賽，她可以再與老友巫啟賢見面，她表示非常開心，並透露是曾志偉邀請他來港，更預告有驚喜嘉賓登場。

她直言戥周志康、陳旭培未能入圍不值，坦言自己有私心希望有香港的參賽者可以打入決賽。對於尹景順、尤淑情及鄭家聲被指是內定3甲，肥媽否認，「邊有得內定呀！譚輝智喺比賽前有得去登台，啲老細俾錢佢去咋，唔代表佢就一定會贏！仲要依家已經有人問我價，《中4》未決賽已經開定價啦！仲要個價係哇一聲！依家都有問12月有冇期，唔想佢哋比賽完之後，冠亞季三個加價！」她坦言自己會邀參賽者一齊登台，讓他們可以多些經驗，而自己完成比賽之後，將會馬不停蹄去登台，順道去探孫。