郭晉安(左)出席關曜儁Leo的健身室開幕活動。（娛樂組攝）
郭晉安、周嘉洛、朱敏瀚、江美儀、譚玉瑛和李君妍今日（23日）齊齊現身觀塘，出席關曜儁（Leo）的健身室開幕活動。Leo獲一眾圈中好友撐場，太太和3名子女亦到場支持，他笑言碌爆人情卡，郭晉安則慷慨表示專屬卡可任碌，皆因多年傷患，全靠在Leo訓練指導下，大有改善。
忍痛發力打pickleball
向來熱愛打網球的郭晉安，近年愛上pickleball，但多年一直忍痛上陣，發力欠佳，直至獲Leo訓練，「我依家嘅痛症幾乎無晒，主力訓練肌肉。」問到痛症緣由，他表示，「我曾經做過一個手術，做完手術拍《中間人》要坐輪椅，做完手術，但效果都唔好，結果之後拍戲又再整傷，用咗好長時間先醫返好，用咗Leo嘅方法，一年搞掂咗。」Leo就大讚郭晉安是乖學生，「叫佢試跑步跑1,000米，佢跑夠2,000，俾足雙倍你，好值得欣賞，呢啲就係做藝人嘅精神，好𠊙得欣賞。」
追求健康老年唔做負擔
為人父親的郭晉安自言努力保持健康，除了想繼續嘗試不同運動，也希望將來不用別人照顧，不要成為負擔。他視運動如娛樂，並會出戰內地網球比賽。Leo亦表示會盡量隨隊出發，育有3名子女的他笑言要積極搵銀，除了計劃多開分店，亦正在洽談上巿，要向郭晉安請教生意之道。
郭晉安表示留學英國的18歲兒子郭令山趁暑假返港，近日要抽時間父子相處，齊齊健身。問可會擔心兒子獨自留學，他笑言，「佢大個喇，最緊要俾張卡佢，不過佢用錢都會話俾我知，佢有時都會兼職幫樂團吹奏賺外快。」
ADVERTISEMENT
