(左起)Elsie、森美、阿正出席商台周年台慶。(娛樂組攝)
森美、黃正宜（阿正）、呂珮琳(Elsie)今晚(26日)打扮得非常正經出席商業電台67周年台慶，森美穿上西裝表示今次打扮是總裁，體驗一下打工仔的裝扮，並隨即笑在旁的阿正是「富婆」、「闊太」，當記者稱阿正有個外號是「加多利山富婆」，森美聞言表現驚訝笑道︰「本來以為你係廣播道富婆，原來係加多利山契媽！」阿正即澄清︰「我係太子道西人呀！我正式宣布係太子道西女人！」
商業電台67周年台慶，全台DJ出席。(娛樂組攝)
森美︰佢係住加多利山腳
森美代為澄清指「佢並不是加多利山，只係加多利山腳，其實係太子道西，所以係太子道西人。以我所知，加多利山街坊即係召開緊急會議，話點解會有呢啲居民！劉德華無出席，Kelly亦都去咗澳洲，就派姐姐去，佢哋一致都反對！」阿正即笑謂會很快搬走，大家可以到太子道西找她，並稱自己不敢在森美面前自居住豪宅，森美笑謂自己是住碉堡及有幾個單位，跟阿正是不同級數。
唔敢介紹60+朋友
阿正表示現時一切安好，只是欠缺男人。問到她成為「富婆」之後，有沒有人向她借錢，或有沒有人立即叫她做契媽，獻殷勤送外賣等，她笑謂現時沒有。Elise隨即指阿正有很多追求者，只是她拒絕，並指這些追求者都符合不到她與森美的要求。再問到森美有沒有介紹對象給阿正，他說︰「你需知道我啲朋友係大佢廿年，我有幾個朋友係唔識小便啦！我介紹嗰啲係可以慳車錢嘅！唔好再叫我介紹啦！最後生已經係張繼聰！」
森美化身霸氣總裁，笑謂自己的朋友最後生已經是張繼聰。(娛樂組攝)
揀偶條件無變
談及阿正買了一架車給細佬，會否叫細佬介紹朋友作為報答，阿正說︰「唉！好可惜佢都單身！佢自己都搞唔得掂呀！佢都冇介紹俾我！」她續指細佬現在可以接載媽咪出入，但就未試過車她返工收工，她笑謂︰「始終太子道西都係好覆雜！」至於成為「太子道西女人」之後，擇偶條件會否有不同，阿正說︰「從來都冇起色，都係搏一搏，依家叫少少嘢發生下，希望撥下漣漪！(有冇擺風水陣？)有聽蘇師傅講擺盆水、音樂盒，我買咗個7蚊音樂侖，可能唔夠誠意。」森美續建議她買一個可以不停發聲叫「我要男人！」的音樂盒。
問到她的咖啡店會否擴展，她直言有意為咖啡店開設分店，「睇啱鋪位會再開！我哋啲小店都難做。(想開幾多間？)開到幾多就幾多，睇生意啦！」隨即笑謂開40幾間，而森美就笑阿正要搞上市。
森美化身總栽扮「壁咚」。(娛樂組攝)
阿正自封是「太子道西女人」。(娛樂組攝)
ADVERTISEMENT
【送置富Malls「裝」可愛摺疊環保袋】
