Lokman透露將參演《關於那隻龜回魂的故事》電影版。 (娛樂組攝)
MIRROR成員楊樂文(Lokman)聯同阮小儀、梁仲恆、王耀祖、胡麗英、阮韻珊及倪秉郎等，參演的舞台劇《關於那隻龜回魂的故事》，在今年5月已公演18場，叫好叫座。日前有報道指劉德華入場觀賞後大為感動，出資將此劇改編成電影搬上大銀幕，有意在賀歲檔上映。
需要調節劇本
今日Lokman為劇集宣傳受訪，他確認將改編成電影，「起初聽到消息係有啲疑惑，因為舞台同電影係好唔同嘅語言，但其實係有趣。」由於要將舞台劇改成電影，需要調節劇本，但相信在今年短期內開拍。
問到可會增加新角色，他笑言：「唔知隻龜會唔會出現？」由於舞台劇採用了張柏芝的《任何天氣》，並曾公開呼籲柏芝入場，問到柏芝可有機會參演時，或劉德華可會參演，Lokman就不清楚，但笑言若成事就能解鎖。
唔抵得AK拍邱禮濤現影
電影版由邱禮濤執導，至於可曾跟劉德華或邱導見面，他表示在其他場合見過，但未有就今次電影會面，他自爆：「其實上次AK拍《我們不是什麼》我係有啲葡萄，如果我可以同邱導合作就好啦，可能我許過願，宇宙聽到，咁快就有呢個機會，都好開心。」另外，他主演的《被殺的那天》入圍釜山國際電影節「展望．亞洲」競賽單元，他表示將會出席首映禮。