MIRROR成軍8周年，今日(28日)12子齊人現身沙田舉行記者會，現場早已塞爆手持應援牌的fans。12子分4小組進場，宣布將於12月假亞博ARENA舉行《MIRROR 12 AS 1 LIVE 2026》，暫定12月11-13、15-18日和20日合共8場。各成員輪流介紹今次演唱會特色，並回顧過去8年的難忘時刻。演唱會由莊少榮(細榮)擔任監製、徐浩擔任總監，除了事先張掦沒有個人表演環節，邱士縉(Stanley)表示首次採用具代表性的M 字型舞台設計，陳卓賢就形容為沉浸式體驗，拉近與觀眾距離。每場會保留驚喜彩蛋環節，其中12月18日定為「MIRO 專場」，MIRO可於10月2日優先購買「MIRO 專場」門票，票價分別為＄1680、＄1480、$1080 和$780，10月6至7日優先訂票，10月8日公開發售。
或與fans過聖誕 「舞王Jer」挑戰跳唱
演唱會呼應8周年，暫定開8場，談到加場的可能，副隊長AK江𤒹生表示，「要開到聖誕場應該唔難，目標希望去到2028年。談到演唱會的新突破，呂爵安(Edan)大爆柳應廷(Jer)自薦展舞姿，「今次會有不同跳唱組合，表演隊友嘅跳唱歌，最犀利係Jer喺入面，自薦㗎！」「舞王柳」直言，有回到《造星》的感覺，「當時我哋成日諗唔同人、唔同組合，今次就係唔同組合打散，我都比較多架！」眾人起哄，李駿傑(Jeremy)隨即叮囑他勿劇透太多。不過訪問時Jer就戴定頭盔，「係小組形成，唔係我自己一個。」他強調跳唱只屬一部，被問到可會挑戰FING小組歌曲？Jer答得爽快，「佢哋啲歌咁有型，可以考慮下。」Jeremy則表示會有Vocal team，並會邀請站在「大細邱」Stanley和邱傲然(Tiger)參與，兩人握手示好，Stanley謂：「我見Jer咁努力學跳舞，我無理唔積極學唱歌。
陳瑞輝Frankie笑言最期待看哪位隊友最眼淺，然後望向身旁的王智德(Alton)和Jer，「咁啱我身邊兩個都係喊包。」兩人退後否認，Alton笑問是否要開盤，Frankie就直言猜Alton是最快喊的一位。
Jeremy、Tiger被蘋果嚇親
Jeremy的新歌《I Played Me like a Fool》請來隊友Tiger執導兼主演MV，問到兩人會否在舞台上重演MV「咬蘋果」的BL情節，甚至搬整張床上台，兩人就齊齊推說等有蘋果才算，此時記者取出蘋果，全場尖叫，眾隊友齊齊食花生，Tiger縮埋一邊，笑到失控。記者請兩人用面夾著蘋果，Jeremy頓時打退堂鼓，「我大你哋唔到，我哋兩個做唔係幾好睇，俾其他人做。」Stanley代解圍，「留返MIRO專場做。」接著就建議咬提子乾，不容易變壞，而AK就順手拿起蘋果吃，雖然記者示意未清洗，但他仍吃得津津有味。
鬧笑過後，談到為Jeremy執導MV，Tiger今次多謝公司之前，首先多謝Jeremy和團隊的信任，問到BL劇情可有發展空間，兩人笑言要視乎贊助。至於他為新團歌《Fight Club》彈結他，Tiger就多謝監製、作曲兼編曲的王雙駿，「本來只係錄音，但Carl叔話不如你彈一段，就有機會，幾開心。」至於新團歌MV，AK表示每位成員都跟武師學獨立招數，再剪輯成MV。
姜濤不敢與目黑蓮相比
姜濤剛從日本回港，他透露在當地學跳舞、唱歌，想吸收不同地方的文化，同時亦已錄製新歌。談到有網友跟他合照，封他做「目黑蓮」，姜濤首先多謝對方，「不過呢個term有好有唔好，我知道同佢差太遠，佢靚仔好多。」至於與馮德倫合作拍廣告，姜濤自言收到劇本已很喜歡自嘲的感覺，「咁啱寫嘅嘢，都係我想講，希望下次撈我上嚟……唔係，即係拍呢個廣告時，張相影得靚仔啲。」
