關錦鵬獲頒授香港演藝學院榮譽院士。 (娛樂組攝)
資深電影人徐克、關錦鵬昨日（10月16日）下午現身灣仔香港演藝學院，同在頒授典禮上分別獲頒授香港演藝學院榮譽博士及榮譽院士，林青霞亦有到場見證。
關錦鵬為香港影壇貢獻良多，今次獲頒授榮譽院士，他受訪時謙虛說：「我覺得受之有愧，真心受之有愧。」指自己是在做喜歡的事而已，表示：「我拍電影都係做啲自己鍾意做嘅嘢，想借呢個機會多謝我喺TVB年代跟過好出色嘅導演，包括許鞍華、譚家明、余允抗，呢幾年我自己喺城市大學教書，好有傳承嘅感覺。」入行逾50載的關錦鵬談到難忘事，他感觸說：「有機會遇到我想合作同欣賞嘅演員，好似梅艷芳、張曼玉、周潤發、金燕玲等等，同埋梅艷芳離世前，佢同張國榮原本答應同我拍套新戲，依家個project永遠塵封，等於《胭脂扣》好多人問我會唔會重拍，點樣搵返個梅艷芳、張國榮俾我呢？如果有導演想重拍，咁要搵返佢覺得適合嘅如花同十二少喎。」至於梅姐骨灰被盜，關導無奈道：「我真係唔明點解，亦都講唔到任何嘢。」他近年亦欣賞廖子妤、袁澧林等當紮演員，問到他可有留意袁澧林控訴被性騷擾事件？他說沒有留意，亦不便回應。
