尹光暫不開紅館，原因竟然是被訪問考起！（娛樂組攝）
尹光現身《善心滿載仁愛堂》活動演唱，他透露稍後到內地開騷，他指歌單跟香港的不同，但離不開輕鬆諧趣。他提到歌單要事先經有關部門審查，直言內地fans很想聽《少理阿爸》，可惜過不到內地批文。「好嚴！啲歌要正統，好多人想聽㗎！仲有無批嘅歌你唱會罰你，批你唱10首唔可以唱11首！」
尹光仍未申請到明年開騷的場地。（娛樂組攝）
問到會否再戰紅館，他坦言有不少公司向他招手，但覺得好大壓力。他說：「唔係唱歌有壓力，而係上次紅館做咗百幾個訪問，最高峰係一日做7個！臨開騷又要我rehearsal 兩日，搞到把聲沙沙地，好彩過骨！最後萬人唱《少理阿爸》好開心！」他表示自己不是被紅館拒批檔期才轉輾其他場館，自己早幾個月開騷時更一票難求！他又指明年想搵場館也未找到，「出年到依家暫時未book到場，可能出年回歸30年，可能政府好多活動，我公司希望book到兩至三場。」他坦言開一場騷，至少有二千位才能成事，「我哋公司話要七成先歸到本，如果得千幾位就未必做到。」
尹光坦言紅館最大挑戰是做專訪。