鍾嘉欣將於2027年3月6日在紅館開騷。
鍾嘉欣近年到不同地方舉行巡迴演唱會，今日她宣布明年3月6日在紅館舉行演唱會「A Walk To Remember世界巡迴演唱會 – 香港站」，對上一次在港開騷已經是2013年在九展！相隔13年返回香港開騷，更登上紅館，不少圈中朋友紛紛留言祝賀。
鍾嘉欣宣布明年3月登紅館開騷。
鍾嘉欣自2024年開始先後到不同地方舉行「Remember 記得．鍾嘉欣演唱會」，而她在巡唱上以奇特的舞姿演唱《一人晚餐》，並在其中一站送上「忙」字予現場觀眾而成為網上熱話。嘉欣在8月出席一個籃球活動時，已表示工作排到明年，主力開巡唱，「依家巡得好開心，每個地方都好熱情，好開心去唔同城市唱歌同傾偈，希望可以用我嘅歌同生命去發放正能量。」年初她亦曾表示過想在紅館開騷，如今夢想成真！
