呂爵安Edan在社交平台分享港版《悠長假期》煞科照，並預告劇集將於12月播出。
MIRROR成員呂爵安(Edan)和李佳芯(Ali)主演的港版《悠長假期》，昨晚(20日)終於煞科。Edan在社交平台分享與Ali和劇組人員的合照，以及與編導擁抱的片段，寫道，「新鮮滾熱辣 黎明俊煞科！！」一直有傳《悠長假期》將於年底率先播出，但昨日Edan未有現身ViuTV的節目巡禮，他趁煞科宣布，「黎明俊，我哋12月見啦！」
感動又唔真實
Edan分享拍攝感受，「呢個半月，密密麻麻不分晝夜嘅拍攝，眨吓眼又過咗。今次嘅過程都真係幾深刻，有好多唔同嘅挑戢，但感恩身邊有一班有心又好玩嘅台前幕後，真係有種一齊打大佬嘅感覺。」他續道，「啱啱煞科一刻，感覺都幾唔真實，亦都有種感動，謝謝大家哩個半月嘅照顧人其他嘢等遲啲再同大家分享。」而演山口智子角色的好拍檔Ali則留言，「恭喜黎明俊，辛苦黎明俊，再見黎明俊。」演松隆子角色的林愷鈴亦留言，「恭喜senpai(前輩！」梁業(肥仔@ERROR)則搞笑回應：「上次撞到你又話搵我客串嘅。」
ADVERTISEMENT
