江嘉敏(左一)與呂慧儀(左二)合作舞台劇《等愛的女人》 。
江嘉敏上周六（31日）在深圳南山文體中心聚橙劇院小劇院首次演出舞台劇 《等愛的女人》。該劇是根據1994年香港電影作品 《等愛的女人》所改編，而江嘉敏演繹的角色就是當年由吳家麗所飾演的「陳冬梅」。同劇還有唐文龍、呂慧儀、黎寬怡、黃潔恩（Kawaii）等香港演員演出。
再同呂慧儀合作
江嘉敏表示：「今次係第一次參與舞台劇演出，對我嚟講係一個好好嘅開始。我同阿蟹（呂慧儀）之前喺《親親我好媽》合作過，但之後一直冇機會再同框合作，今次可以再度同台我覺得好難得！」跟著團隊衝出香港，她首次全劇以普通話完成演出：「一開始冇諗過自己做得到，所以完成後係好開心！而且今次同一眾演員嘅默契真係非常好，淨係一個眼神就已經可以互相配合同即時調整。」
朋友入場支持
除了圓滿完成舞台劇演出外，有另一件事確實令她覺得很感動：「好多朋友見到我喺IG出post宣傳舞台劇之後，都有買飛專程上深圳支持我。其實大家平時喺香港各自忙碌，好少機會見面，平時成日講約食飯都總係約唔成。冇諗過佢哋會為咗我第一次嘅舞台劇專程過到嚟深圳支持。希望佢哋對於我哋嘅演出會感到滿意！」
