張繼聰、謝安琪、肥仔、Dee現身銅鑼灣出席保險品牌活動。(娛樂組攝)
張繼聰、謝安琪（Kay）、ERROR成員肥仔（梁業）、Dee（何啟華）今日（5日）現身銅鑼灣出席保險品牌活動，阿聰、Kay夫妻檔打Pickleball大戰場ERROR隊，人妻Kay為救波更打到趴在地上，十分落力。
張繼聰即將為舞台劇《Rabbit Hole 心渦》演出，拍檔有韋羅莎、余安安及Mandy譚旻萱，對於Mandy撻著康堤舊愛黃澤林，阿聰表示排戲在即，大家都會全情投入角色的情緒世界中：「嚟緊每日要排練7至8個鐘，一個禮拜排足6日，直到1月演出，未去到拍劇嗰種一日見10幾20個鐘，其實都好緊密，變成一家人，因為佢做我姨仔。至於人哋嘅感情事，始終係私事，留返俾當事人啦。」阿聰又透露有意明年開《人夫集團》2.0，老闆古天樂亦給予不少意見。而Kay都即將拍新劇，預計每日踩足12粒鐘，目前努力訓練囡囡KaKaBall獨立。
ERROR將於12月2日舉行fans meeting《就婚捌周年 起碼影張相留念大囍宴》，公開招募一對新人幫四子證婚，肥仔最近孖天王黎明合唱新歌《等我攬住你》，Dee口建議肥仔跟黎天王以組合去樂壇頒獎禮爭獎。
