高Ling大讚張智霖在《璀璨之城》中的演出夠變態。 (娛樂組攝)
TVB台慶劇《璀璨之城》昨晚（6日）播出大結局，在澳門舉行大型活動，招待近千名觀眾一同觀看大結局，張智霖（Chilam）、高海寧（高Ling）、張曦雯（Kelly）及一眾演員齊齊亮相，場面熱鬧。
盛會上，高Ling與Chilam孖住受訪，對於張曦雯在劇中備受注目的半裸露背戲疑遭大幅度刪減，二人均認為該場重頭戲出來效果極佳，Chilam也是之後才得知剪接上的安排，TVB以尊重觀眾意願才作出適量調整，他指最終播出的版本十分順暢：「雖然係剪走咗啲，但我又覺得幾順暢。即係如果你唔知我哋一條過嘅拍攝方法嘅話，我諗完全係冇問題嘅。我知道公司都回應過，話尊重觀眾嘅意願，我覺得觀眾嘅意願好緊要。」高Ling亦代張曦雯平反，提醒觀眾應將焦點放回演員的演技及情緒傳遞上：「其實個重點係喺Kelly受委屈個表情、個情緒，重要過個背脊，大家個重點可以唔好只係focus喺背脊度。」據Chilam得知，這場戲只刪減了少於十秒，高海寧補充：「有冇咁多？十秒都冇。因為嗰場戲嘅重點，首先係佢計謀我去屈吳卓羲、屈佢強姦，之後畀Kelly知道，跟住Kelly好傷心，咁囉。所以其實嗰場戲完整嘅故事係冇cut到，只係畫面上面減少咗兩秒咁囉！」
Chilam在《璀璨之城》奸到出汁的演技甚有發揮，問到是否從影以來最難拿捏一次？他覺得角色複雜反而更容易演繹，更大爆老婆袁詠儀對其演出亦感到心寒。至於高Ling用筷子插Chilam場口，原來拍攝時不慎弄傷其頸部，太太亦沒有發覺他拍攝時擦傷，Chilam表示作為演員，皮外傷並非一回事，問到憑今次變態演繹對角逐視帝有否信心？他表示沒有諗獎項方面，到時或會出席去戥高Ling高興。
