黃淑蔓與同門師弟妹即場大玩《旋轉木馬》Dance Challenge。
黃淑蔓Feanna的《旋轉木馬》推出後大獲好評，火速成為人氣之作，更成功衝出香港將音樂帶到世界各地，不少韓星、日星都爭相翻拍cover，而Feanna圈中好友亦紛紛響應她發起的Dance Challenge。日前4位同屬寰亞音樂的師弟妹連家穎（Vian）、江博熙（Hei）、成基哲（BlueS）及楊煜謙（Nicolas）更特意前來挑戰大師姐Feanna，5位藝人齊齊現身太古城中心，為「Festival of Wonders」添上滿瀉青春活力與歡笑聲。
黃淑蔓與連家穎、江博熙、成基哲及楊煜謙齊齊現身太古城中心，為「Festival of Wonders」添上滿瀉青春活力與歡笑聲。
當日Feanna為「Festival of Wonders」主題活動擔任特別嘉賓，她以一身冬日造型登場，率先現身於場內、以她的招牌笑容與多個色彩繽紛的打卡位拍照，更挑戰現場互動遊戲，還為大家送上一份驚喜的聖誕禮物──即場於「歡樂迴旋木馬」前大跳大熱曲目《旋轉木馬》，以甜美感染力為全場注入滿瀉快樂能量，讓大家齊齊於太古城中心「LIVE HAPPY 快樂識放」。
Feanna興奮分享：「平時我都好鍾意聖誕節嘅氛圍，今次嚟到太古城中心覺得好似進入咗一個天馬行空嘅幻想世界！喺商場入面見到一座9.5米高嘅城堡真係好震撼，行到入兩條隧道又好得意，再穿返出嚟又有三個打卡位，全場都好colorful好多焦點，真係目不暇給！」平日點子多多的她亦笑言自己的性格與活動主題不謀而合：「我本身都係一個好有想像力、好多奇趣諗法嘅人，所以一嚟到見到咁多充滿奇想嘅場景，就覺得好啱自己！每個場景都有好多得意細節，一路行一路都有新發現，好似真係走咗入一個奇幻世界咁。」問到最喜歡哪個打卡點？Feanna笑言自己好貪心：「好難揀啊！真係全部都好靚，不過最有feel一定係呢座「歡樂迴旋木馬」，紅白木馬華麗又好有氣氛，忍唔住自拍咗好多張。同埋今日最特別係仲有4位師弟妹陪我，好似同朋友提早過聖誕咁好興奮！」
Feanna透露近期正全情投入密鑼緊鼓的綵排，希望呈現最完美的一面給入場歌迷。被問到演唱會過後、臨近聖誕有何計劃？出名是乖乖孝順女的Feanna即指因為近日忙於練習未有太多時間陪伴家人：「希望完咗騷之後可以有多啲時間陪返佢哋啦！就算今年暫時未抽到時間出遊，留喺香港一樣可以搵到好多充滿聖誕氣氛嘅地方，一家人一齊感受節日氣氛。好似我啱啱喺商場玩嘅「雪球大作戰」互動遊戲，一邊掟雪球一邊玩，真係即刻有晒冬日氣氛！有機會都想帶埋我屋企人再嚟Battle一下一齊玩，同埋同超巨型雪人影相，開開心心過一個充滿驚喜嘅聖誕！」活動尾聲，意猶未盡的Feanna更把握機會與現場粉絲大合照，熱情呼籲大家趁聖誕節齊聚太古城中心，盡情感受獨一無二的節日驚喜！
