娛樂
出版:2026-Nov-17 22:30
更新:2026-Nov-17 22:30

劉德華罕談妻女自認「偏心」堅持唱歌竟跟梁朝偉有關

分享:
IMG 3919

劉德華罕談妻女自認「偏心」。

天王劉德華向來生活低調,對太太朱麗倩和女兒劉向蕙極度保護,鮮有公開談及妻女。日前,他罕有現身網台THE MultiTalk接受專訪,並打破一貫作風主動提到家人,更親自解釋當年堅持唱歌的原因,原來是跟梁朝偉有關。

歌迷當朋友

訪問中,他提到新碟以身邊人為主題,並說:「其實人最初係個體,父母子女都係你生命中出現嘅人,所以裏面談及我爸爸媽媽、太太、女兒同埋你哋,嗰啲就係我生命。」他口中的「你哋」正是支持他多年的歌迷,直言早已當歌迷是朋友,歌迷喜好他都會放在心上,更會影響其工作安排。

IMG 3916 IMG 3923 IMG 3921

大談「偏心論」

提到家人與歌迷的支持,劉德華承認自己會「偏心」,並解釋:「我覺得任何人都係偏心,你同我講道理,唔好做我阿爸阿媽朋友,如果你係我家人,梗係要偏心我。我而家對阿爸阿媽、我太太、我女,我都係偏心,我對我歌迷都係偏心,如果唔偏心,我搵個法官返嚟就得。」劉德華的一番「偏心論」相當霸氣,難怪歌迷多年來都死心塌地。

被梁朝偉「刺激」繼續唱

劉德華回憶當年首張專輯《只知道此刻愛妳》推出後反應一般,曾想放棄唱歌專心拍戲。後來,在荷蘭開工期間發生一事,令他改變主意:「大家多謝吓梁朝偉!有一次我去到荷蘭拍戲,嗰陣時我諗住放棄唱歌,專心拍戲。但喺拍戲嘅過程裏面,聽到大家原來知道梁朝偉係歌手,唔知我係歌手,唔得!我要做到大家都知道我係歌手,咁我先至繼續出唱片。」結果他咬緊牙關繼續推出唱片,成就今日的「劉天王」。

ADVERTISEMENT

ad

恭喜你!獲取1分 !

更多積分任務