容祖兒啟德演唱會熱潮停不了!由英皇娛樂主辦的《保誠保險呈獻AURA容祖兒演唱會》,早前3場門票開售後半小時火速售罄,大會隨即宣布加開2027年1月19及24日兩場。新增兩場今日(18日)中午12時公開發售,結果再度於30分鐘內全部售罄!5場啟德演唱會一票難求!
叫滿枱大閘蟹取意頭
目前身在南京工作的祖兒,收到再度爆滿的喜訊,既開心又感動。今日早餐,同事叫了滿枱大閘蟹,笑言好意頭,為她準備借「蟹蟹」諧音多謝大家支持!祖兒表示:「真係好多謝大家嘅支持,有呢個成績真係好開心。但無論做幾多場,我哋嘅準備都係一樣咁重要,希望可以做一場好show俾大家睇!」
親自上網搶飛睇情況
5場演唱會先後售罄,網上卻仍有大量歌迷留言大呻搶不到飛。祖兒今早決定親自落場,與工作人員一齊嘗試上網搶飛,結果全軍覆沒!祖兒:「知道難搶,但冇諗過原來真係咁難!」5場全部爆滿,會否再有加場機會?祖兒坦言,暫時不會將心思放在加場問題上:「睇公司決定同大家嘅反應、feedback再研究。我覺得依家要做好嘅嘢,都唔係諗加唔加場,呢個比較被動。我要繼續砌好個rundown,踏實啲諗好啲內容。」












