娛樂
出版:2026-Nov-20 02:03
更新:2026-Nov-20 02:03

TVB台慶2026|黃劍文為食雞髀錯失10萬元獲封「雞髀文」 眼濕濕盼接多啲賣雞廣告

分享:
WhatsApp Image 2026 11 19 at 23.22.03

黃劍文為食雞髀錯失10萬元獲封「雞髀文」,他受訪時笑言開始神經失常。(蘇文傑攝)

TVB《萬千星輝賀台慶》除了有顏志恒獨得45萬信用卡免簽賬額外,還有高海寧、陳展鵬、肥媽、曹永廉、黃庭鋒、劉頌鵬獲得豐富獎品連免找數簽賬額,由8萬3千元至10萬元不等。當錢嘉樂抽出黃劍文時,大會一眾司儀不停高呼他的名字,但台下也沒有人知道黃劍文去了哪裡。及後大會先抽出另一位幸運兒,當抽到是肥媽時,肥媽同樣不在現場,但錢嘉樂就大聲叫陸浩明代領時,潘靜文續問「得唔得㗎!」此時陸浩明指肥媽正趕到一廠,同一時間台上眾人再度確認未見黃劍文,於是抽出曹永廉頂上,而鏡頭見到肥媽急急腳走上舞台領獎。

VS  LIVE81 myTVSUPER 29918263’55” VS  LIVE81 myTVSUPER 29918264’42” VS  LIVE81 myTVSUPER 29918265’00” VS  LIVE81 myTVSUPER 29918265’35” VS  LIVE81 myTVSUPER 29918265’57” VS  LIVE81 myTVSUPER 29918265’56” VS  LIVE81 myTVSUPER 29918266’15”

跑過去已見曹永廉頂上

黃劍文事後眼濕濕接受訪問,他說︰「我當時去影緊擺甫士嗰個,全日食得個麵包,就去咗便利店買雞髀食。之後收到好多message話叫我快啲返嚟,我中咗獎,之後《中年好聲音》嘅梁浩賢打俾我,就話快啲返,中獎!我就即刻收線,跑過去,已經見到曹永廉上咗台啦!我就無咗個獎!唉!勸大家唔好喺抽獎時刻去食雞髀!」

WhatsApp Image 2026 11 19 at 23.22.02 (1)

黃劍文食了人生最貴的雞髀,不禁哭出來。(蘇文傑攝)

人生最貴雞髀

他感慨是人生食過最貴的雞髀,他說︰「雞髀好好食,10萬……但貴咗啲!(係咪人生最貴?)梗係無,真係一生難忘嘅雞髀!如果有雞髀廣告就搵我,我會好落力!」他更直言當時是「仆」返去,但他也自我安慰說到︰「唔緊要啦!我相信出年會更加好,我一直以為自己無抽獎運,竟然係抽到!」語畢就直認心情有些失落,「因為大家話我知有10萬蚊,肥媽都有拎,佢話唔緊要,一齊食咗佢!我都覺得好開心!同埋得到大家咁關心,個個戥我唔抵,好多謝大家關心!唉……真係無諗過抽中我,真係一場歡喜。」

WhatsApp Image 2026 11 19 at 23.22.02

顏志恒表示會請他食廿隻不同味的雞髀。(蘇文傑攝)

被取名為「雞髀文」

問到會否失眠,他表示未知,笑言會跟大家報告。談到他的經歷將成為台慶歷史,他笑謂好開心成為歷史一部份,更稱事後已被同事封為「雞髀文」。他說︰「10萬蚊換來大家記得我都值嘅!大家食雞髀都會記得我!」提到顏志恒表示會獎他廿隻不同味的雞髀,他表示期待,而自己10萬元的雞髀是韓式風味。他著大家可以找他拍攝與雞有關的食品,同時亦不忘呼籲大家購票支持他在12月有份演出的《HK MUSICAL DREAMS 還看香港音樂劇》劇場演唱會。

ADVERTISEMENT

ad

恭喜你!獲取1分 !

更多積分任務